اجمل باسم جواهر – قصائد جميلة باسم جواهر , شعر مدح جواهر

اجمل باسم جواهر – قصائد جميلة باسم جواهر , شعر مدح جواهر

صور باسم جواهر

  
بعض الغلا يثبت كما تثبت جبال
حتى ولو أبطيت عنه وتنحّيت
ولايشغلك ياغالية هرج جهّال
لاتزعجك بعض العلوم الفتافيت
بعض الرجال المعذره ماهم رجال
ماتعرفين الحي منهم من الميت
البعض مايسوى ولايوصل ريال
ويخيس لو حطّوه وسط الحوانيت
كذّاب في غالب هروجه ومحتال
ومايحمل إلا الشر مثل الطواغيت

معناه: الأحجار الكريمة، وهو على صيغة الجمع على عادتهم في جمع الأسماء. أصل الكلمة المفرد "جوهر" وهي فارسية أصلها "كوهر" وهو اللؤلؤ، الحجر الكريم. كما تطلق كناية عن الأصل، والابن، والذات. وهم يريدون المعنى الأصلي. اصل اسم جَواهر: عربي جواهر جوهر كل شيء حقيقته وذاته وكل ما يستخرج منه شيء ينتفع به من الأحجار يسمى جواهر وكل نفيس تتخذ منه الفصوص ونحوها فهو جواهر وسواء كنت جواهر أم جوهرة فهي غالية نفيسة ذات شأن وقدر.

لو بحسب الشينه ترى ليلنا طال
أزرى المربّي ( مثل ماقيل ) وأزريت
والبعض لا والله صناديد وأشبال
يطير لانادوه مثل العفاريت
خفيف نفس وللمواجيب حمّال
ولايترك المسجد بكل المواقيت
ثابت على مبداه لو مات مامالل
اشفت مثله داخل القلب سمّيت
لكنّهم قلّه مثل حبة الخال
في وسط قفرا كلها هيت في هيت
ياللي تحسب المرجله هرج وجدال
زليت في ظنّك بلا شكّ وأخطيت
المرجله ماهي ترى كثرة أموال
الفقر ماعيّب قروم وشفاليت
والمرجله ماهي ترى بشت وعقال
ونتفة شنب لاحكّه الموس صديت
والمرجله ماهي خلق ثوب وسمال
وشماغ من كثر النشا به تنشيت
وتطرد بنزواتك ورا كل خلخال
ياكم لقيت من المهانه وهجّيت
والمرجله ماهي ترى هرج جوّال
وتعيش لحظاتك خداع وتناهيت
لاهمّتك زوجه ولاهمّك عيال
راحت حياتك بالسخافات تشتيت
المرجله صدق المواقف والأفعال
وسلوم مايقدر عليها الهلافيت
وختامها يالجوهره سترك الفال
يحفظك ربي كل مااصبحت وامسيت
وحبّك ترى مايثبته قطع ووصال
مادام لك في خافقي يالغلا بيت

المصدر-وكالات