اشعار مدح للجيش السعودي , شعر فخر للقوات السعودية , قصيدة مدح الجيش السعودي
سطروا يانخبة الشعر مجد الصامدين=واكتبوا للمجد تاريخهم طول الحياه
من عيون الشعر ننظم من الدر الثمين = لاجل الابطال البواسل حمى الدار وذراه
رابطوا في نصرة الحق ضد المعتدين=من مشاء في طاعة الله ماخيب رجاه
شعر مدح الجيش السعودي , كلمات مدح القوات السعودية , اشعار وطنية سعودية , شعر عن الوطن , اشعار فخر جنود السعودية , كلام فخر عن الجيش , عبارات فخر عن الجيش , شعر عن الجيش , قصيدة عن الوطن , شعر مدح القوات , شعر عن حرس الحدود , شعر عن قوة الجيش السعودي , خواطر عن الجيش السعودي , خواطر مدح وفخر وطنية , قصائد عن السعودية , صور للجيش السعودي , مسجات سعودية وطنية , قصيدة عن صمود الجيش السعودي , شعر فخر وعز السعودية
رفرفي ياراية العز للنصر المبين=والعدو المعتدي عندنا يلقا جزاه
يابلادي واصلي رغم كيد الحاسدين=يامنار الدين واطهر بلد والله حماه
تحت راية خادم البيت امام المسلمين= من نوا بالشر لحدودنا حنا عماه
كل ابونا ياوطنا هناك مرابطين = الصديق نصافحه والعدو نلعن ثواه
جاهزين للحرايب وبالله حازمين= كلنا في طاعة الله على من هو عصاه
ما نحن انفوسنا في جهاد الفاسقين = شبر واحد من بلدنا ياويل اللي وطاه
ارضنا واعراضنا دونهـا سيـف سنيـن=ذودنا عالدار فرضٍ كما فرض الصلاه
قادميـن بقـوة الله رب العالمـيـن=ولا نهاب الموت والحرب لادارت رحاه
ولعت نار الحرايب وحنا جاهزين = محزمٍ مليان من حد الاردن للسرا
ياوطنا دونك قروم شعب مخلصين=نارها نار لظيـه علـى صـدر العـداه
كلنا فدوة وطنا يسار ومن يمين = تحت راية خادم البيت في كل اتجاه
دون قاعـك ياوطنـا ترانـا صامليـن=شوكتن في حلق من جاك لين يريق ماه
ودامنا من دون قاعك سناعيس وكمين=فـوالله ان ياراية العز ما تغصب حماه
نجلب الأرواح دون الوطن ومغامرين=لادعانـا داعـي الحـق لبينـا نـداه
جيشنا اللي دون حد الوطن حصنٍ حصين=في جنوب المملكه حطّم اعزوم الطغاه
واقفين معك ياجيشنا ومساندين=بالشعر وأرواحنا للوطن فدوة ثراه
نارنا وهجن يدمر مطامع بدر دين = من ثرى جيزان وحدود نجران ووراه
فدوة لارض الحرم ما نحسب الغاشمين = كلنا سورن يحاجيه ويحاجي رباه
نلطم العدوان لطم ٍ يسر الناظرين=بأشهب البارود نعميه وإنطيّح لواه
يشهد التاريخ والمجد من طول السنين=فعلنا مشهود والمجـد شيدنـا بنـاه
ماجهلنا في مناهج رياض الصالحيـن=من وفانـا للعقيـدة تطوعنـا دعـاه
دون ديرة ساطي الراس نسل الغانمين=نردع المخطي ونقمحه ويعيّن جزاه
من سما وارض وبحرفي المراقب شامخين =لين يعرف مستوانا ويعرف مستواه
والله انه ما تعذر سوا ابن الخاملين=والكفو سيف البلد لا بغا حدّه لقاه
هيه يا روسٍ بتفكير حلم الواهمين=فتحوا الانظار ما تنطح الثله حصاه
طبعكم معروف وحنا لكم متمكنين=لو تسللتوا مع الرجم ولا في الفلاه
ياجنود المملكه ياخزام العايلين=ادحروا راعي الخنا لين يرجع في خناه
وادهرو نار الحرايب وقاسيها يلين==واحفرو قبرن لبن حوث يوقد في حراه
بالذخاير والمدافع لهم متجهزين=دون حد بلادنا نرخص الروح وغلاه
ول يالحوثي لامذهب ولا مله ودين=ياعصابات التّخلف وقمـة منتهـاه
زمرة متمرده في الخفاء متسلليـن=انكشفتوا وانفضحتوا تحت كم العباه
والله انكم لو عملتوا كمين في كمين=مالكم ياهل الخيانه مفر ولا نجـاه
ياصقور الجو حطو خنادقهم طحين =والنصر من عند ربي ومن عالي سماه
ولعي يانار في راس رجم العابثين=لين يصحا من فعوله ويرجع عن خطاه
يامقابيس الوغى اذكرو بدر وحنين=الوطن يرجي وفاكم ولايرجي سواه
والقبايل من وراكم جنود والمين = كل شيخن قد ذخرتوه جاهز برقباه
كلنا في خط واحد هنا ومقاتلين=من وراكم نحمي الدار لايغدر قفاه
ياجبل دخان والخوبه انتم سالمين= ابشروا باللي يثني لكم ثار الجناه
علمو عبدالملك علمو ابليس اللعين=الوطن دونه رجال وصناديد ودهاه
علمو الحوثي ترا للمعارك محتصين=غير يعرف كيف بيعه قبل يبداء شراه
قادرين بعون ربي عليهم قادرين=ما حسبنا له حساب ولا نحسب لاذاه
علموه إن جيشنا فالمعارك بارعين = السما والأرض تهتز من تحت الغزاه
بيض الله وجه من ساقها فوق الجبين = لين خلت كلبهم ميت فاتح جماه
ايه هذا فعلنا علمو اللي جاهلين = وبشرو ذئب الخلا لاسرى يلقى عشاه
انت يالحوثي نواياك شر وانت شين= ابشر بهفه كما هفت امقيط ورشاه
اليوم يوم العز والفعل والحزم
ابشر بعزك في اللقا ياوطنا
حنا لها حنا هل الباس والعزم
اليانتخينا مالها غير حنا
يابو فهد لبيه في الحرب والسلم
بشاية الله كلمتك ماتثنى
عن اليمن لابد مانرفع الظلم
نامي قريرة عين وأنتي يمنّا
اليا تحرّك جيشنا يقصر العلم
أبطالنا مافيهم اللي توّنا
نظراتهم لا خايلت ساعة الحسم
ماكنها إلا حد سيفٍ محنّا
للعز ياجنود الوطن ياهل العزم
طير السعد رف بجناحه وغنّا
تباشري يادار بالنصر والحزم
الحمد لله جت على مانتمنى
فات وقت النصح والقلب الكبير /
فات وقت الإستتابة والعتاب /
حل وقت الحزم والسيف الشطير
/ والحرابة والأذى وقص الرقاب
الله الناصر وبالله نستعين
عاصفة حزمٍ من الحازم ملكنا
دكت إحصون العدو حينٍ بحين
لين صار يقول ( ياليته تركنا )
يا بلادي أحمدي ربك عشان
بيرق التوحيد ظلّه ظلّلك
فارسك سلمان ما يخسر رهان
جاك من هو بالزعامه يكلّلك
برقابنا بيعه .. وبوجيهنا عزززز
نموت ما ماتت من الحرب بيعه !!
إيران ليش الحزن بالموقف العام
يعني زعلتي يوم جانا زمنّا
مثل ماكنتي حازمة داخل الشام
وش يزعلتس لامن حزمنا يمنّا
عاصفة الحزم / هبت يااايمن
الوقت ماهو للقلوب الخايفه
لانامت أعين الحثاله في عدن
هذا الهدوء اللي يخّلف عاصفه
في رهن شارة ملكنا صفنا واحد،
ومن تحت شوره وفي سمعه وفي طوعه
ندعس على الحيّه و ندعس على الداب
و ندعس على خشم الردي لو تمادى
قادها سلمان .. زيزوم المهام 💐
سيفنا الي ممتلي .. بطش و عزم
يوم ضاقت قال : انا ولد الامام 💚
و احتزم ، والجيش عاصفة الحزم
أجدادنا ماتوا لنا دون الحدود
وعيالهم دون الحدود مرابطين
ان مات جندي فـ الوطن كله جنود
لعيون أمن المملكة متعاهدين
حنا جنودٍ للوطن بـ أمر سلمان ..
بـ روحانا نـفدي " ثراه ومليكـه " ..
ملك قد حاز مجدا فوق مجد
ورث الأمجــاد عـن أب وجــد
خادم البيتين يكفيه افتخار
أنه للكعبـة الغــراء جنـدي
حي صيحات العز وضربات السما
كل طيارٍ يسمّي ويبطش فـ العدو
ما رمينا إذ رمينا لكن الله رما
ياكلاب ايران لادندن الحرب اهجدو
عدونا بالحرب يأذناب طهران
يضيق به بره وبحره وجوه
حنا رجال الحرب ورجال سلمان
ما يؤخذ بقوه يرجع بقوه
لن نُسلمَ قلبَ حضارتنا
لعمائمِ شركٍ في قمِّ
لن نُسلم مهدَ عروبتنا
لشراذمَ غازيةٍ عُجم
وعلى اسم الله يباغتها
سلمانُ بـ #عاصفة_الحزم
السعودية بالحلم تاخذ حقها
وتاخذه بالسيف لا حمي الوطيس
أبوفهد بسيوفه الشعب يحمي حدّها
علموا ايران تستنكر وتعد الفطيس
مشعل الصقيه
#عاصفة_الحزم
لاوامر القايد الاعلى تمثلنا
ارواحنا في سبيل الله نعربنها
وان دندنت طبلة الحراب دندنا
بايات حق علي وبلال دندنها
#عاصفة_الحزم
وافي .. كريم وطيب الطبع .. لكن
لا تختبر فعل السعودي إلى ثار ..!!
#عاصفة_الحزم
سربٍ سرى بالليل ما هو بخايف
محمد اوعز له حسب امر سلمان
نزل على عبدالمجوسي قذايف
قذايفٍ يسمع صداها بـ طهران
من شان بيتين أيتما ، نضرب بيد" من حديد
ولصوت حكام عظما ، نقبل صفوف" غايرة.
ياموطني عليك أمان الله من كيد المكيد
يلطم على صدره وتفضح لطمته سرايره .
حن سعد عينك موطني في هولة اليوم الشديد
سلاح ما يخطي مدام ارواحنا ذخايرة .
يابن شجاع الدين لا يغضب عليك إبن الوليد
فعوله أصدق من كلامك ، والرحاوي دايرة .
عزنا الاسلام هو غايه فخرنا
فيه سر وجودنا ونموت دونه
أرضنا ارض الذهب وانقا المذاهب
والرجال اللي عهدهم يحفظونه
بدر بن عبد المحسن*
لا قيل عبدالله خضع كل جبّار
و كل ظالم صابه ثمانين علّه
ياللي ذخرت الشر كله للاشرار
اشرف حسام اللي كفوفك تسله
انموت دون الوطن ويعيش عبدالله
عيبٍ على ابن الشجاع يموت بفراشه
#سيف_عبدالله
حنا هل العوجى ولابه مراواة *!!
شرب المصايب مثل شرب الفناجيل*
فهد بن عبدالعزيز رحمه الله
صانك الله يا بلدنا من أذى قاصي وداني
* * أسعدي ف امان ربك الوطــن بايدي أمينه..
هنا الفخر هنا الفخر يابلادي
شفنا عيالك يصنعون الصواريخ
هذي رياح الشرق سم الاعادي
اللي على رؤس الاعادي مناويخ
#سيف_عبدالله
دولة ٍتبنى على روح الترابط*
نهجها القرآن و السنّه عمدها*
ما عليها من تصاريح المخابط
ما تضام و دين ربي معتقدها
