شعر غزل للزوجة - اشعار عشق وغرام للزوجة - خواطر رومنسية للزوجة

شعر غزل للزوجة - اشعار عشق وغرام للزوجة - خواطر رومنسية للزوجة

من باب حفظ الوفا من باب رد الجميل
الشعر في وصف نور العين ما نذخره

يا كبر قدر الأصيله بنت ذاك الأصيل
هي نصي الثاني الي جعلني مأخسره

الصبر من طبعها ما تطلب المسستحيل
قبل تكمل طلبها تسأل انا اقدره

وإن ما تحقق طلبها ما دعتني بخيل
ما شفت منها يكون الطيب والمعذره

إن جيتها ضايق ما زادت الكيل كيل
ما تكسر الخاطر إلا لنكٍسر تجبره

هي ربة المنزل الي ما شكت قل حيل
من شان راحة ولدها ليلها تسهره

زود على هم منزلها لهمي تشيل
الله على قلبها مارقه أو مصبره

ما دامني حي بالدنيا وقبل الرحيل
يبقى غلاها بوسط القلب ومقدره

يالله يالله يا رب الملا يا جليل
تغفر لها يا وسيع العفو والمغفره

وصلاة ربي على سيد البشر والخليل
نبينا سنته تحفظ حقوق المره

ماقلت احبك ولا قد قلت ما حبك ... احب مالي عيوني وانت تـسـواها
لو تدري اشكثر تعني لي تعرف انك .... اخر امل في حياتي واول مناها
ياكثر احس ان بكمني وبي منك ... روح قسمها على شخصين مولاها

لا تقول وش تحب فيني اعشقك كلك .... من ليل شعرك لكلك واخر اقصاها
سميتني نصـفــك الثاني ويا شحـــك ... انا بسمـيـــك كلي وانــــت معناها
تعبت اوديك له يا قلب ويردك ... لا اخذحلومي ولا خلاني انـســاها
كل الحمام استراح وناح في ظلك ... والورد الاصفرسقته الروح من ماها
ليتك بعمري ثلاثة اشخاص ماملّك .... واحد معي دوم وواحدروحي يملاها
والثالث بجفن عيني لا فقد حسك ... او غمض الجفن جاني فيكيتباهى
مو بس احبك انا والله من حبك ... احب حتى ثرى الارض الليتطاها

كنت احسباني عرفت الحب قبل اعرفك
وعشقت قبل اعشقك واشتقت قبل التقيك
وكنت احسباني لقيت احباب قبل اوصلك
واثري توهمت في غيرك وانا كنت ابيك
تعال نعطش وتشربني وانا اشربك
تعال قبل الوعداجلس معي نحتريك
تعال شفني وانااستناك .. كم اشبهك
يطري علي ألف راي وراي واحتار فيك
اجي مكان الوعدوالا اسبقه انطرك
والا اخذ الموعد اللي يحتريك واجيك
يااخر الحب ذقت الحب في اولك
ويااول الشوق اقصى الشوق ماينتهيك
علمتني كيف اعرفك لينصرت اجهلك
ضيعتني في متاهاتك وكنت ارتجيك
حبيب الاحلام يابعدك ويامقربك
حرام يكفي تبعثرني وانا احتويك
ان شفتك بحلم صدقته وانا اتوهمك
وان شفتك بعلم كذبته الين انتشيك*
اخاف اغمض عيوني وإن رمشت افقدك
واخاف افتح وتصبح حلم ولا التقيك

جف الكلام ومدت يدينها فوق*
.... أخترت هذي .. وأنت شف لك سحابه*

قلت .. ويديني تحتضنها مثل طوق ..*
أخترت هذي هذي أكثر رحابه*

هذي دفا صوتٍ من البرد مخنوق
هذي سؤالٍ نصف عمري جوابه*

هذي هي اللي عرّفتني على الشوق
هذي قدر .. ماكنت حاسب حسابه*

قطعة حزن في جيب بالي ومشقوق
ومضة فرح في عيون ناسٍ غلابه*

أن سولفت في ثغرها لمعة بروق
وإن سرّحت في عيونها صمت غابه*

واليا اضحكت نورٍ من الفجر مسروق
واليا بكت تحزن عليها الكآبه*

حبي لها لوأدري ان فيه مخلوق ..*
قدّ حبّ مثله .. قلت "ياللغرابه"*

هالآدمي من وين له قلب وعروق؟!
والصبر هالمسكين من وين جابه؟*

وأنا أتكلّم .. ردّت عيونها فوق
ثم تمتمت من هي هالأكثر رحابه؟؟*

قلت ويديني تحتضنها مثل طوق
في ذمتي ماشفت غيرك سحابه

المصدر- وكالات