اشعار عن بر الوالدين – قصائد عن بر الاب والام – خواطر حزينة عن بر الوالدين
الشاعر / علي عبد الرحمن الأسمري
للوالدين اجمل عبيـر القصايـد
من شخص جرب فقد ابوه وغيابه
احقوقهـم ماظـن فيهـا مزايـد
احرص عليها واوفو حق القرابه
جنة عدن ياللـي تبـي للفوايـد
في برهم والموت ياخـذ نصابـه
الشاعر / سعيد العمودي
أبوي وأمي.. بس في أربع أبيات؟!
لاياجواهر صعب مااقـدر أوفّـي
هيهات لو حاولت هيهات هيهـات
أشعار هذا الكون مااظـن تكفّـي
الشاعر / فايز ماجد
و الله لـولا خوفـي اشـرك مــع الله
لسجـد انـا لـك يـا عزيـز المقامـي
اجلس هنا في داخـل الصـدر و حمـاه
و ارتك علـى قلـبً حمتـه العظامـي
ان كان به شخصً هدى لشخص و اعطاه
يبغـى يعبـر مـا قصـر بالكـلامـي
انـا تـرا بهديـك عمـري و لا ابغـاه
بعدك عسـى عمـري مجـرد حطامـي
الشاعر / زايد الروقي
أمي وأبوي إلهم بقلبـي مكااانـه
مكانت(ن) ماحازها شخص بااااقي
الشاعر / خالد عبد الكريم
ياللي نسيت مع الزمان اللي ربوك
الحق قبل سـود الليـال تلفهـم
ياكبرها نعمه تشوف امك وابـوك
وياكبرها نعمه تعيـش بضفهـم
ياما تحرّوا جيّتـك كـم ارقبـوك
ياما تمنـوا لـك تحقـق شفهـم
الشاعر / نياف العتيبي
الوالدين الهم مواثيق وحقوق
وحنا علينا انّانقوم بوفاهـم
وقارهم من ربنا حق موثوق
يالله عسنا كاسبينن رضاهم
الشاعر / هاني محمد السلوم
والله مانلحق جـزاء الوالديـن
لو كان نشعر من طرفهم بالرضا
قاموا علينا زي منتـم شايفيـن
ويضيق فيهم لو تضايقنا الفضـا
في برهم واكرامهم يالله تعيـن
ونبرهم فالمقبل وفاللـي مضـا
ويالله يالله يامجيـب السائليـن
طالبك على وجيههم حرم لضـا
الشاعر / سعد الغنامي
حقوق الوالدين ومرتضاهـم
طريق الخير فيه وبه عبـاده
بقلبي ما حدِِ ياصـل غلاهـم
أعيش بقربهم كـل السعـاده
هدف عندي أحقق مبتغاهـم
وبعد تحقيقه أبحـث للزيـاده
أصير لهم عصاهم ما عصاهم
فرض ماني بـأدور للإشـاده
المصدر- وكالات
