قصائد في البر - اشعار قصيرة عن البر والمطر - شعر لعشاق البر والرحلات
ياماحـــلا والنار يضـــوي لهبها ,, في فيضــة فيها الحيا مابعد شــيف
في خــــــيمة منصوبة في خببها ,, ودلال صـــفر ماشريته من الســيف
في مجلس فيه النشامى وأدبها ,, قصـــــــــيد ينقونه ولاهوب تصفــيف
وســـوالف رجال معادن ذهبها ,, مع قهوة تطرب هل الراس والكــيف
والجيب والعدة وباقي زهبهـــا ,, وســـمان ماطـبت شــــبوك وتعــــليف
والسست ماسـحبها ,, شــــد البـــلد نقـــد ولاهوب تســـــليف
منـــوة هل البران غاية طلبها ,, مطــوع العسرات نقــــرة مع الســيف
له شــــهرة ياما عقول سلبها ,, (باترول) مايحتاج مـــــــدح وتعريف
وذود شعاع الشمس عنا حجبها ,, جانــــا حـــــليبه دون خــلط وتغـليف
وشحنة سمر وإرطا من أرضه حطبها ,, النار عنوانه كروكي وتوصيف
وذبيــــــحة للضــيف لاجـــا ســـــحبها ,, ماحسب حسابه ولابه تحاسيف
وطــــباخ له خــبرة قديــــم كســــــبها ,, ماحاقه الهندي ولاسالم الشيف
هــذي منـــاتي لابطــايف ولا أبهـــــــا ,, وأيضا ولالندن وباريس وجنيف
هذا عـــــلاج النفس ســــاعة عطـبها ,, مابي المدينة بين عادم وتكييف
وصـــلاة ربي عــد ســــيل بشـــــعبها ,, وعداد مانبت الحيا وأزهر الريف
على النبي الهاشـــمي من عـــــربها ,, اللي صدع من دون كذب وتزييف
ماضي الى شفتك تذكـرت مافـات **اسمك يذكرنـي بعصـر" لنـا زل
وحي العصـور الماضيـه لوليـات **يوم ءاننا نرحل مـع البـر وانحـل
واضعوننا تمشي على كل مشهـات **ولامن جفتنا الدار من اهلهـا انشـل
ونضرب تخاتيخ الفجوج الوسيعـات **احرار ماعشنا على الهـون والـذل
ونرعى بمجاهيـمً لقـاحً وخلفـات **ونرعى القفور اللي المطر علها عـل
وانحل باطراف الفيـاض العذيـات **ونبني بيوت امن الشّعـر وانتكامـل
والنار شبـت والشوامـي مراكـات **وحطّو لهم قطعـة اشـده علـى زل
ثم اقبلـو اهـل الوجيـه الفليحـات **ربع" لهم فـي مقعـد العـز منـزل
وسوالف" بيـن النشامـا طريفـات **بضرب المثل تبري السقاما من العل
وماني اتكلم دون ربعـي وبالـذات **انـا اتكلـم بالبـداوه عـن الـكـل
أيـام راحـت حيهـا واحاسافـات **فيهـا لناسـه والطـرب والتعـلـل
واليوم لو حن في البيوت الرفيعـات **حيـاة مايشفـق عليهـا وتنـمـل
الكل فـي بيتـه ولا فيـه نوهـات **خطر" عليـه امـن القعـاد أيتعقـل
اتقول مسجـون" تحمـل اجنايـات **من دونـه ابـواب تصـك وتقفـل
هاذا وانا مالي على الناس سلطـات **ولالي بعد بمراقـب النّـاس مدخـل
ذا قول منهو منوته بـدع الابيـات **مارتاح لين انقض بالابيات وافتـل
اسلـي بهـا قلـب" يجـر التنهـات **لاشفـت قلبـي للصبـر ماتحمـل
ولولاي انا اخذ بالتقنـاص سجـات **لامل مـن باقـي العمـر واتكنسـل
لاجات حـل اعبورهـا والمسـرات **والطير عد وروس ريشـه تكامـل
تم رخصت الصيد بـث الاذاعـات **واهل القنص بارض الحباري تجول
انا معي عـزام عـوق الخريشـات **اشقرحرار مضيّـع" طولـه الجـل
افجح قصير الساق احجوله عريضات **وريشه على روس الصوايد تسـادل
اخذ لـي ايـام تقـل مـر ساعـات **تجلي الكبود اللي عليلـه مـن العـل
من فوق جمسات" ومن فوق جيـات **بخـوة اقـروم ماحكاهـم يخـجـل
شرواك ياماضي **ـون الونيـات **يابن الرجال اللي مع القـول تفعـل
وهاذي طراتي من قبل قولة" مـات **والكل فاني كون رب المـلا (جـل)
المصدر- وكالات
